مساعد مانجاكا في اواخر الثلاثنيات شخص فاشل ويعاني من امراض نفسية مستعصيه وطبعا يقر بهالامر كون انه كل ماصارت له مصيبه دخل الحمام وقام يتكلم مع كائن غريب يشوفه هو بالحاله, طبعا كل هالاشياء بسبب الهالاوس الي يعاني منها, والي بدورها تسبب له مشكله مع المجتمع, العجيب في الموضوع انه دايم يحتفظ ببندقية (الصراحه مادري من وين جايبها!) ويتبجح قدام المرايه كل ماضاقت عليه الدينا على اساس انه ال(hero) >وهو ماعنده ماعند جدتي<.. .. طبعا هذي كل السالفه الي كنت فاهمتها عن المانجا وتوقعت انها بتستمر على هالمنوال مع الاسف!
المانجا توقفت عن قرائتها من مدة طويله والسبب الممل الي اجتاحني وانا ماتعديت حتى 5 فصول, وكنت دايم استغرب سبب تصنيف الهورور! لكن ماتوقعت ابداً ان المانجا راح تاخذ منحنى اخر كليا وتصدمني بمحتواها والي يتكلم عن (الزومبيز)!؟
قصص الزومبي تكررت للمره الالف، وش يخلي المانجا هذي مميزه؟ الوضع الCreepy الي عيشني فيه المانجاكا تعديت المجلد الثاني وانا لحد الان ماني مصدقته..! طيب وش يقنعني ان البطل الحين مو جالس يهلوس بسبب المتلازمه الي معاه؟!، مو ممكن يتخيل كل هالشي؟! يعني مجلد كامل قاعد يبني قناعات في راسك فجاءه زمبيز..!، بالمختصر المانجاكا قدر يحطني في محيط واقعي بحت, وخلاني اشكك اذا هالاشياء لها وجود فعلا.
الامر ماتوقف على عدم تصديقك للأشياء هذي او لا، لكن العوامل الي ساعدت في تكوين هالمخلوقات لحد الان مجهوله واحتمال كبير يكون فيه جنس جديد ابتكره المانجاكا كان موجود من البدايه..يعني بكذا هو يخالف كل روايات نشاءة الزومبي والي هو (الفايروس).
العمل هذا اعتبره واحد من افضل قصص الرعب الي قراتها في مجال المانجا عموماً، انا ماستمعت وبس، انا اقتنعت بفكره المانجاكا، عالم فيه زمبيز بشكل مفاجىء وماتحصل ولا شخص معاه سلاح واحد الا المريض حقنا... He is a Hero now XD
