اول ماصدرت اللعبه كانت حصريه على القيمكيوب، انتظرنا مده طويله على بال ماشترت البلايشتين 2 حقوق اللعبه وبعد كذا امتلكتها بكل حريه.
الي يميز سلاسل رزدنت ايفل هي ربط القصه بالاحداث عكس كثير من الالعاب التي تعاني من هالنقطه (الحبكه)
نشوف في هالجزء مجددا الشرطي او العميل السري ليون بطل الجزء الثاني يرجع مع عدد من الشخصيات المعروفه لمتابعين رزدنت ايفل مثل (ايدا) ( ويسكر) والي خلى الاحداث مشوقه اكثر.
الجزء هذا مختلف كليا عن بقيه الاجزاء اول شي اختلاف المخرج وهذا شي ملحوظ على اقراص اللعبه، المخرج Shinji Mikami اسمه اول مره يمر علي ممكن شارك في العاب رزدنت ايفل القديمه لكن الاهم ماكان المخرج الفعلي. الاختلاف ليس فقط في المخرج اول شي طريقة اللعبه، اسلوب اللعبه صار يتخلله ثلاثي الابعاد، مثل اي لعبه جديده، برضوا اختلاف في الوحوش، صار في وحوش جديده كليا حتى تصميم ازومبي ماعاد صرنا نشوف الزومبي الغبي، صار يقدر يقاوم ويتجنب الضربات والادهى والامر يستخدم الاسلحه؟!
في شي رائع اضافوه للعبه وهو البائع المتجول، في الالعاب القديمه اذا ماكنت ذكي جدا وحليت جميع الالعاز ماراح تقدر تحصل على اسلحه جديده لانها عادة تكون مخبيه بعنايه، لكن هنا تخلصنا من هالمشكله تجمع فلوس تشتري اسلحه اكثر وبس.
مع كل هذي التغييرات الجريئه اشوف جو رزدنت ايفل مازال محافظ عليه خصوصا حركة (safe room) شي يميز رزدنت ايفل عن غيره من الالعاب.
